මැක්මිලන්ගේ ශ්‍රී ලංකා ගමන හදිසියේ නවතියි

    Views : 224

By රොෂාන් ගුණරත්න

බංග්ලාදේශ ක්‍රිකට් කණ්ඩායමේ නව පිතිකරු විශේෂඥ පුහුණුකරු ක්‍රේග් මැක්මිලන්, එළැඹෙන ශ්‍රි ලංකා තරග සංචාරයට සහභාගී නොවන බව එරට ක්‍රිකට් පාලක මණ්ඩලය ප්‍රකාශ කරයි.

මීට ටික කාලයකට ඉහත දී ක්‍රේග් මැක්මිලන් බංග්ලාදේශ කණ්ඩායම හා එක් වූයේ නීල් මැක්කෙන්සි වෙනුවට ය. ඔහු පසුගිය කාලයේ බංග්ලාදේශ ජාතික කණ්ඩායම සමග එක්වී ශ්‍රී ලංකාවට එරෙහිව සාර්ථකව මුහුණ දීමට අවශ්‍ය පුහුණුවීම් නිතර වූයේ ය.

නමුත් හදිසියේ ඔහුගේ පියාගේ අභාවය හේතුවෙන් මැක්මිලන් ශ්‍රී ලංකා සංචාරයට එක්විය නොහැකි බැව් බංග්ලාදේශ ක්‍රිකට් පාලක මණ්ඩලයට දැනුම් දී තිබේ.

“ඔහුගේ තත්ත්වය ගැන අපි දැනුවත්. අපේ බලවත් ශෝකය මැක්මිලන් සහ ඔහුගේ පවුලේ අය වෙනුවෙන් ප්‍රකාශ කරනවා.” බංග්ලාදේශ ක්‍රිකට් පාලක මණ්ඩලයේ ප්‍රධාන විධායකවරයා මාධ්‍ය වෙත පවසා තිබුණි.

Share on Facebook Share on WhatsApp Share on Viber