විස්සට තිත තැබූ ජඩේජා මෝදි පිලට
-
2024-09-12 21:09 |
Views : 153
විස්සයි විස්ස ජාත්‍යන්තර ක්‍රිකට් පිටියෙන් ඉවත් වූ ඉන්දීය තුන් ඉරියව් ක්‍රීඩක රවින්ද්‍ර ජඩේජා භාරතීය ජනතා පක්ෂය හා එක් වෙමින් දේශපාලනයට පිවිසෙන බැව් නිල වශයෙන් ප්‍රකාශ කර ඇත.
ඔහු පසුගියදා ඉන්දීය අගමැති නරේන්ද්‍ර මෝදි ගේ නායකත්වයෙන් යුත් භාරතීය ජනතා පක්ෂයේ සාමාජිකත්වයට ලබා ගෙන තිබේ.
රවින්ද්‍ර ජඩේජා ගේ බිරිඳ වන රිවබා රවින්ද්‍රසිං ජඩේජා මේ වන විට ද භාරතීය ජනතා පක්ෂයෙන් ක්‍රියාකාරී දේශපාලනයේ නිරත වෙන අතර ඇය ජම්නගර් ප්‍රාන්ත ව්‍යවස්ථාදායක සභාව නියෝජනය කරන මන්ත්‍රීවරියකි.
ඉන්දියාව වෙනුවෙන් විස්සයි විස්ස ජාත්‍යන්තර තරග 74කට ක්‍රීඩා කර ඇති රවින්ද්‍ර ජඩේජා ලකුණු 515ක් සහ කඩුලු 54ක් දවාගෙන ඇති ක්‍රීඩකයෙකි.
