ශ්‍රී ලංකා ක්‍රීඩිකාවන්ට ලකුණු 19 ක ජයක්
-
2024-09-18 09:39 |
Views : 194
සංචාරක බංග්ලාදේශ ‘ඒ‘ කණ්ඩායම සහ ශ්‍රී ලංකා ‘ඒ‘ කණ්ඩායම අතර කොළඹ තර්ස්ටන් විද්‍යාලීය ක්‍රීඩාංගණයේදී අද (17 වැනිදා) පැවැති සිව්වැනි තරගයෙන් ලකුණු 19 ක ජයක් හිමිකර ගැනීමට ශ්‍රී ලංකා ක්‍රීඩිකාවෝ සමත්වූ.
කාසියේ වාසිය දිනූ බංග්ලාදේශ නායිකාව පළමුව පන්දුවට ශ්‍රී ලංකා ක්‍රීඩිකාවන්ට ආරාධනා කළ අතර ඕවර 20 අවසානයේ කඩුලු 5 ක් දැවී ඔවුන්ට රැස්කිරීමට හැකිවූයේ ලකුණු 124 ක් පමණි.
පන්දු 33 කදී හතරේ පහර 3 ක් සහ හයේ පහරකින් සිය ඉනිම අලංකාර කළ සත්‍යා සංදීපනී නොදැවී ලකුණු 46 ක් ලබාගත් අතර පියුමි වත්සලා ලකුණු 29 ක් සහ මල්ෂා ශෙහානී නොදැවී ලකුණු 21 ක් ලබාගැනීමට සමත්වූහ.
ජයග්‍රහණය සදහා ලකුණු 125 ක ඉලක්කයක් හඹාගිය බංග්ලාදේශ ක්‍රීඩිකාවන්ට ඕවර 19.3 කදී සියලු‍දෙනා දැවී රැස් කිරීමට හැකිවූයේ ලකුණු 125 ක් පමණි.
ශමීමා සුල්තාන් ලකුණු 38 ක් සහ ෂෝනා අක්තාර් ලකුණු 28 ක් ලබාගත්තද සෙසු පිතිකාරිණියන්ගේ දුර්වල පිතිහරඹය හේතුවෙන් ඔවුන්ට පරාජය හිමි වූහ.
ශ්‍රී ලංකා ‘ඒ‘ කණ්ඩායම - ඕවර 20 කදී කඩුලු 5 ක් දැවී 124
(සත්‍යා සංදීපනී නොදැවී 46, පියුමි වත්සලා 29, මල්ෂා ශෙහානී නොදැවී 21, මරූෆා අක්තාර් 21/2, ෆාහිමා කාතූන් 13/2)
බංග්ලාදේශ ‘ඒ‘ කණ්ඩායම - ඕවර 19.3 කදී සියලු‍දෙනා දැවී 105
(ශමීමා සුල්තාන් 38, ෂෝනා අක්තාර් 28, චේතනා විමුක්ති 15/2, නිමේෂා මදුෂානී 22/2, තාරුකා ශෙහානී 19/2, දෙව්මි විහංගා 21/2)
