ශ්‍රී ලංකාවට විශිෂ්ට ජයක්
-
2024-09-24 04:19 |
Views : 175
සංචාරක නවසීලන්ත පිළට එරෙහිව ගාල්ලේදී පැවැති පළමු ටෙස්ට් තරගය ලකුණු 63 කින් ජය ගැනීමට ශ්‍රී ලංකා පිල අද (23 වැනිදා) සමත්විය.
ඒ අනුව තරග 2 කින් සමගින්විත ටෙස්ට් තරගාවලිය 1-0 ක් ලෙස පෙරමුණු ගැනීමටද ශ්‍රී ලංකාවට හැකි විය.
තරගයේ 5 වැනි සහ අවසන් දිනය වූ අද තරගය ආරම්භ කරන විට නවසීලන්තයට ජයග්‍රහණය සදහා ලකුණු 68 ක් අවශ්‍ය වූ අතර ශ්‍රී ලංකාවට අවශ්‍ය වූයේ කඩුලු 2 ක් දවා ගැනීමට පමණි.
අද දිනයේදී තරගය ඕවර 3.4 කට සීමාවූ අතර ප්‍රභාත් ජයසූරිය යවන ලද දෙවැනි ඕවරයේදී ශතකය පෙනෙන මානයේ සිටි රචින් රවින්ද්‍ර කඩුල්ල මුවා කිරීමේ වරදට හසුකරගත්තේය. ඉන් පසුව ප්‍රභාත් විසින්ම යවන ලද සිව්වැනි ඕවරයේදී අවසන් කඩුල්ල ලෙස විලියම් ඕරූක් දවාගැනීමට සමත්විය.
ඒ සමගින් ලකුණු 68 කට කඩුලු 5 ක් දවාගත් ජයසූරිය පළමු ඉනිමේදී දවාගත් කඩුලු 4 ත් සමගින් තරගය පුරා කඩුලු 9 ක් දවාගනිමින් තරගයේ වීරයාට හිමි සම්මානයද දිනා ගැනීමට සමත්විය.
මෙම තරගාවලිය ලෝක ටෙස්ට් ශූරතාවලිය යටතේ පැවැත් වෙන්නක් බැවින් නවසීන්තයට එරෙහිව ලැබූ පළමු ජයත් සමගින් ප්‍රසාද ලකුණු තෙවැනි ස්ථානය දක්වා ඉහළ පැමිණීමට ශ්‍රී ලංකාවට හැකි විය.
ජායාරූපය - ශ්‍රී ලංකා ක්‍රිකට්
Share on Facebook Share on WhatsApp Share on Viber
