මූවර්ස් - ඒස් කැපිටල් අවසන් මහා තරගයට

2024-10-02 09:25   |    Views : 106

ශ්‍රී ලංකා ක්‍රිකට් සංවිධානය කරන වයස අවුරුදු 23න් පහළ ක්‍රිකට් තරගාවලියේ අවසන් මහා තරගය සඳහා සුදුසුකම් ලබා ගැනීමට මූවර්ස් ක්‍රීඩා සමාජය සහ ඒස් කැපිටල් ක්‍රිකට් සමාජය සමත් වේ.

තරගාවලියේ පළමු අවසන් පූර්ව තරගය මූවර්ස් ක්‍රීඩා සමාජය සහ රාගම ක්‍රිකට් සමාජය අතර පැවැති අතර එම තරගය විසඳුමකින් තොරව නිමා වුණි. කෙසේ වෙතත් ප්‍රසාද ලකුණු මත මූවර්ස් ක්‍රීඩකයෝ ඉදිරියෙන් පසුවීම හේතුවෙන් ඔවුන් අවසන් මහා තරගය සඳහා සුදුසුකම් ලබා ගත් හ.

මේ අතර දෙවැනි අවසන් පූර්ව තරගයෙන් කෝල්ට්ස් ක්‍රිකට් සමාජයට එරෙහි ව පළමු ඉනිමේ ජයග්‍රහණයක් ලබා ගත් ඒස් කැපිටල් ක්‍රීඩකයෝ අවසන් මහා තරගය සඳහා සුදුසුකම් ලබා ගත් හ.

තරගාවලියේ අවසන් මහා තරගය ඔක්තෝබර් මස 04 සහ 05 දෙදින හැව්ලොක් පෙදෙස කෝල්ට්ස් ක්‍රීඩාංගණයේ දී පැවැත්වේ.

Share on Facebook Share on WhatsApp Share on Viber