ඇෆ්ගන් ක්‍රීඩක නජිබුල්ලා රිය අනතුරකින් මරුට

2020-10-07 11:31   |    Views : 228

By Editorial

පසුගියදා සිදු වූ රිය අනතුරකින් ඇෆ්ගනිස්තාන ජාතික ක්‍රිකට් කණ්ඩායමේ 29 හැවිරිදි ක්‍රීඩක නජිබුල්ලාහ් ටරකායි ජීවිතක්ෂයට පත්ව ඇතැයි විදෙස් මාධ්‍ය වාර්තා කරයි.

පසුගිය සිකුරාදා (2දා) මාර්ගය හරහා ගමන් කිරීමේ දී ධාවනය වූ මෝටර් රථයක ගැටීමෙන් ඔහු මෙම අනතුරට මුහුණ දුන් අතර පසුව එරට රෝහලක දැඩි සත්කාරක ඒකකයේ අසාධ්‍ය තතත්වයෙන් දින 4ක කාලයක් ප්‍රතිකාර ලබා ඇත.

මිය ගිය නජිබුල්ලා ඇෆ්ගනිස්තාන ක්‍රිකට් කණ්ඩායමේ ආරම්භක පිතිකරුවෙකි. ඔහු ඇෆ්ගනිස්තානය වෙනුවෙන් එක්දින ජාත්‍යන්තර තරගයකට සහ විස්සයි විස්ස ජාත්‍යන්තර තරග 12කට ක්‍රීඩා කර ඇත. නජිබුල්ලා 2014 වසරේ දී සිම්බාබ්වේ A ක්‍රිකට් කණ්ඩායමට එරෙහිව පළමු වරට පළමු පෙළ ක්‍රිකට් ක්‍රීඩා කිරීමට වරම් දිනාගත් අතර තරග 24කදී ලකුණු 2030ක් ලබා සිටි අතර ඔහුගේ ලකුණු ලබා ගැනීමේ සාමාන්‍ය 47.2කි. ඔහු පසුගිය වසරේ අප්‍රේල් මාසයේ දි තම පළමු පෙළ හොඳම ඉනිම ලෙසින් ද්විත්ව ශතකයක් ද වාර්තා කළේය.

Share on Facebook Share on WhatsApp Share on Viber