ඉන්දියන් ප්‍රිමියර් ලීග් ක්‍රිකට් තරගාවලියේ 32 වැනි තරගය නිමා වෙද්දී ප්‍රසාද ලකුණු පුවරුවේ යළි පළමු තැනට පැමිණීමට මුම්බායි ඉන්දියන්ස් කණ්ඩායම සමත් විය.

අබුඩාබි හි දී පැවැති මුම්බායි සහ කොල්කටා අතර තරගයෙන් ඔවුන් කඩුලු 8ක පහසු ජයක් වාර්තා කළ හ.

කාසියේ වාසිය දිනා ගත් කොල්කටා කණ්ඩායම පළමුවෙන් පන්දුවට පහර දෙමින් කඩුලු 5ක් දැවී ලකුනු 148ක් ලබා ගැනීමට සමත් විය. ඊට පිළිතුරු ලෙසින් මුම්බායි ක්‍රීඩකයෝ තවත් පන්දු 19ක් ඉතිරිව තිබිය දී කඩුලු 2ක් පමණක් දැවී තිබිය දී තම ඉලක්කය සපුරා ගත් හ.

මෙම තරගයේ දී මුම්බායි ආරම්භක පිතිකරු ක්වින්ටන් ඩී කොක් පන්දු 44කට මුහුණ දෙමින් හතරේ පහර 9ක් සහ හයේ පහර 3ක් සමගින් නොදැවී ලකුණු 78ක් ලබා ගත්තේ ය. ඔහු තරගයේ වීරයා ලෙස ද නම් කෙරුණි.

කොල්කටා නයිට් රයිඩර්ස් ; කඩුලු 5ක් දැවී 148 (20)

ශුබ්මාන් ගිල් 21, ඔයින් මෝගන් නොදැවී 39, පැට් කමින්ස් නොදැවී 53, රාහුල් චාහර් 2/18

මුම්බායි ඉන්දියන්ස් ; කඩුලු 2ක් දැවී 149 (16.5)

රෝහිට් ෂර්මා 35, ක්වින්ටන් ඩි කොක් නොදැවී 78, හාර්ඩික් පාණ්ඩ්‍යා නොදැවී 21