එංගලන්තය සහ සංචාරක පාකිස්තානය අතර පැවැති තෙවැනි ටෙස්ට් ක්‍රිකට් තරගය ජය පරාජයෙන් තොරව අවසන් විය. එම ජයග්‍රහණයත් සමගින් තරගාවලිය 1-0ක් සේ ජය ගැනීමට එංගලන්ත කණ්ඩායම සමත් විය.

සවුතම්ටන් à·„à·“ රෝස් බෝල් ක්‍රීඩාංගණයේ දී පැවැති මෙම තරගයේ කාසියේ වාසිය දිනාගත් එංගලන්තය පළමුවෙන් පන්දුවට පහර දෙමින් කඩුලු 8ක් දැවී ලකුණු 583ක් ලබා ගත්තේ ය. එම ඉනිම වෙනුවෙන් 22 හැවිරිදි සැක් කෞලි ලකුණු 267ක් ලබා ගත්තේ ය. එය ඔහුගේ ටෙස්ට් තරග දිවියේ හොඳම ඉනිම බවට පත් වූයේ ය.

පිළිතුරු ඉනිමට පිටියට පිවිසි පාකිස්තානය අසාර් අලීගේ ශතකයක් ද සමගින් ලබා ගත හැකි වූයේ ලකුණු 273ක් පමණි. ලකුණු 310ක් පිටුපස සිටිමින් පිට පිට දෙවැනි ඉනිමට පිටියට පිවිසි පාකිස්තානුවෝ තරගය නිමා වන විට කඩුලු 4ක් දැවී ලකුණු 187ක් ලබා සිටිය හ.

එංගලන්තය ; පළමු ඉනිම කඩුලු 8ක් දැවී 583 (154.4) ඩොම් සිබ්ලි 22, සැක් කෞලි 267, ජෝ රූට් 29, ජොස් බට්ලර් 152, ක්‍රිස් වෝක්ස් 40, ඩොම් බීස් නොදැවී 27, ශහින් ෂා අෆ්රිඩි 2/121, යසිර් ෂා 2/173, ෆවාඩ් අලාම් 2/46

පාකිස්තානය ; පළමු ඉනිම සියලුම දෙනා දැවී 273 (93) අසාර් අලි 141, ෆවාඩ් අලාම් 21, මොහොමඩ් රිස්වාන් 53, යසීර් ෂා 20, ජේම්ස් ඇන්ඩර්සන් 5/56, ස්ටුවර්ට් බ්‍රෝඩ් 2/40 සහ දෙවැනි ඉනිම කඩුලු 4ක් දැවී 187 (83.1) අබීඩ් අලි 42, අසාර් අලි 31, බාබර් අසාම් නොදැවී 63, අසාද් ශාෆීක් 21, ජේම්ස් ඇන්ඩර්සන් 2/45

තරගයේ වීරයා ; එංගලන්තයේ සැක් කෞලි

@ JP