පාකිස්තානය සමග පැවැත්වෙන විස්සයි විස්ස තරගාවලියේ දි විවේක ගැන්වූ ජොස් බට්ලර් සහ ජොෆ්රා ආචර් ඔස්ට්‍රේලියාව සමග පැවැත්වෙන තරග සංචාරය සඳහා නැවත එංගලන්ත කණ්ඩායමට නම් කර තිබේ.

ඔස්ට්‍රේලියාව සමග පැවැත්වෙන විස්සයි විස්ස තරගාවලිය මේ මස 4 වැනිදා අගාස් බෝල් ක්‍රීඩාංගණයේදී පැවැත්වෙන අර ඉතිරි තරග 2 එම ක්‍රීඩාංගණයේ දී ම 6 සහ 8 දිනවල පැවැත්වීමට නියමිත ය. දෙරට අතර පැවැත්වෙන එක්දින ජාත්‍යන්තර තරගාවලිය මේ මස 11 වැනිදා ඕල්ඩ් ට්‍රැෆර්ඩ් ක්‍රීඩාංගණයේදී ආරම්භ වන අතර සෙසු තරග 13 සහ 16 දිනවල පැවැත්වීමට නියමිත ය.

මේ අතර නම් කරන ලද කණ්ඩායම් අතර විස්සයි විස්ස තරගාවලියට නම් කරන ලද 14 දෙනෙක්ගෙන් යුත් කණ්ඩායමට ජෝ ඩෙන්ලි, ක්‍රිස් ජෝර්ඩන් සහ ඩේවිඩ් මාලන් ඇතුලත් වූව ද 13 දෙනෙක්ගෙන් යුතුව නම් කරන ලද එක්දින තරගාවලියට ඔවුන් අතුලත් නොවේ. ඒ වෙනුවට ජෝ රූට් සහ ක්‍රිස් වෝක්ස් නම් කිරීමට එරට තේරූම් කමිටුව තීරණය කර ඇත.

@ JP