පාකිස්තානු සුපර් ලීග් හෙවත් PSL විස්සයි විස්ස ක්‍රිකට් තරගාවලියේ අවසන් වටයේ තරග එළැඹෙන නොවැම්බර් මස 14 වැනිදා සිට පැවැත්විමට පාකිස්තානු ක්‍රිකට් පාලක මණ්ඩලය තීරණය කර තිබේ. මේ සඳහා වන දින ප්‍රකාශ කිරීම පෙරදින රාත්‍රියේ සිදු කෙරුණි.

මෙසේ ආරම්භ කරන්නට යෙදෙන්නේ Covid 19 වසංගතය හේතුවෙන් නතර කරනු ලැබු අවසන් වටයේ තරග කිහිපය ය.

ඒ අනුව මුල්තාන් සුල්තාන්ස් සහ කරච්චි කිංග්ස් කණ්ඩායම් සහභාගි වන අවසන් පූර්ව වටයේ තරගය නොවැම්බර් මස 14 වැනිදා පැවැත්වීමට යෝජනා වි ඇති අතර එදින ම ලාහෝර් කලන්ඩර්ස් කණ්ඩායම සහ ෂෙවාවර් සල්මි කණ්ඩායම අතර ඉවත් කිරීමේ වටයේ තරගයක් ද පැවැත්වේ.

අර්ධ අවසන් පූර්ව වටයේ පරාජිතයන් සහ ඉවත් කිරීමේ වටයේ තරගයේ ජයග්‍රාහකයන් අතර තරගය නොවැම්බර් මස 15 වැනිදා පැවැත්වීමට යෝජිත ය. එහි ජයග්‍රාහකයන් සහ අවසන් පූර්ව වටයේ ජයග්‍රාහකයන් අතර පැවැත්වෙන අවසාන මහා තරගය නොවැම්බර් මස 17 වැනිදා පැවැත්විමට නියමිත ය.

2021 වසරේ පාකිස්තාන සුපර් ලීග් තරගාවලිය පෙබරවාරි සහ මාර්තු මාස වලදි පැවැත්විමට යෝජිත බැව් ද පාකිස්තාන ක්‍රිකට් පාලක මණ්ඩලය නිවේදනය කරයි.

@ JP