කැරිබියන් ප්‍රිමියර් ලීග් හෙවත් CPL ක්‍රිකට් තරගාවලියේ අවසන් මහා තරගයේ දී සාන්ත ලුසියා ෂෝක්ස් කණ්ඩායමට එරෙහිව කඩුලු 8ක ජයග්‍රහණයක් වාර්තා කළ ට්‍රින්බෑගෝ නයිට් රයිඩර්ස් කණ්ඩායම සිවුවැනි වරටත් එම සූරතාව දිනා ගැනිමට සමත් වූවේ ය.

ට්‍රිනිඩෑඩ්හි බ්‍රයන් ලාරා ක්‍රීඩාංගනයේ පැවැති මෙම තරගයේ කාසියේ වාසිය දිනා ගත් නයිට් රයිඩර්ස් කණ්ඩායම පළමුවෙන් පන්දු යැවීමටයි තීරණය කළේ. ඒ අනුව පිටියට පිවිසි ෂෝක්ස් කණ්ඩායම සියලුම දෙනා දැවී ලබා ගත්තේ ලකුණු 154ක් පමණි. ඊට පිළිතුරු ලෙසින් පිටියට පිවිසි ජයග්‍රාහී නයිට් රයිඩර්ස් ක්‍රීඩකයෝ කඩුලු 2ක් පමණක් දැවී තවත් පන්දු 11ක් ඉතිරිව තිබිය දී ලකුණු 157ක් ලබා ගත් à·„.

නයිට් රයිඩර් ඉනිමේ දී ආරම්භක පිතිකරු ලෙන්ඩ්ල් සිමන්ස් පන්දු 49කට මුහුණ දෙමින් හතරේ පහර 4ක් සහ හයේ පහර 8ක් සමගින් නොදැවී ලකුණු 84ක් ලබා ගත් අතර ඔහු තරගයේ වීරයා ලෙසින් ද නම් කෙරුණි.

සිමන්ස් සහ ඩැරන් බ්‍රාවෝ අතර තෙවැනි කඩුල්ලට පන්දු 88ක දී නොදැවුණු ලකුණු 137ක සබඳතාවක් එක් කිරීමට සමත් වූහ. බ්‍රාවෝ පන්දු 47කට මුහුණ දෙමින් හතරේ පහර 2ක් සහ හයේ පහර 6ක් සමගින් නොදැවි ලකුණු 58ක් ලබා ගත්තේ ය.

තරගාවලියේ විරයා වූයේ කිරන් පොලාර්ඩ් ය.

සාන්ත ලුසියා ෂෝක්ස් ; සියලුම දෙනා දැවි 154 (19.1) මාක් ඩෙයල් 29, ඇන්ඩෘ ෆ්ලෙචර් 39, රොස්ටන් චේස් 22, නජිබුල්ලා 24, අලි ඛාන් 2/25, කිරන් පොලාර්ඩ් 4/30, ෆවාඩ් අහමඩ් 2/22

ට්‍රින්බෑගෝ නයිට් රයිඩර්ස් ; කඩුලු 2ක් දැවී 157 (18.1) ලෙන්ඩ්ල් සිමන්ස් නොදැවී 84, ඩැරන් බ්‍රාවෝ නොදැවී 58

@ JP