ප්‍රවීන් මනීෂගෙන් දක්ෂ පන්දු යැවීමක්.
-
2024-11-30 09:04 |
Views : 73
පිරිමි අවුරුදු 19න් පහළ යොවුන් ආසියානු කුසලාන ක්‍රිකට් තරගාවලිය ආරම්භ කරමින් නේපාලයට එරෙහිව සාජාහිදී අද (29) පැවැති තරගයෙන් ලකුණු 55ක ජයක් අත්කර ගැනීමට ශ්‍රී ලංකාව සමත් විය.
නේපාල කණ්ඩායමෙන් ඇරයුමෙන් ප්‍රථමයෙන් පන්දුවට පහරදුන් ශ්‍රී ලංකා කණ්ඩායම තරඟකාරී ලකුණු 233ක් රැස්කළ අතර, ශරුජන් ෂන්මුගනාදන් පන්දු 99කදී ලකුණු 62ක් රැස්කරමින් ශ්‍රී ලංකාව පිලට වැඩි දායකත්වයක් දැක්විය . ලක්වින් අබේසිංහ පන්දු 53කදී අගනා ලකුණු 50ක් එක් කළ අතර කවිජ ගමගේ නොදැවී ලකුණු 37ක් රැස් කරමින් අභියෝගාත්මක ලකුණු මට්ටමකට ගෙන ගියේය. නේපාල පන්දු යවන්නන් වු සන්තෝෂ් යාදව් (4/45) සහ යුවරාජ් ඛත්‍රි (2/44) දක්ෂ පන්දු යැවීමක නිරත විය.
ලකුණු 234ක් හඹා ගිය නේපාලය පිල වෙනුවෙන් මායන් යාදව්ගේ ලකුණු 62 ක් ලබාගත් නමුත් ශ්‍රී ලංකා පන්දු යවන්නන් දිගින් දිගටම කඩුලු ලබා ගනිමින් සෙසු පිති කරුවන්ට සාර්ථක වීමට ඉඩලබා නොදුන් අතර පන්දු යැවීමේ දී ප්‍රවීන් මනීෂ ලකුණු 30කට කඩුලු 3ක් දවාගත් අතර, නිව්ටන් රංජිත්කුමාර් (2/17) සහ කුගදාස් මාතුලන් (2/21) විහස් තෙව්මික (2/51) කඩුලු දෙක බැගින් දවා ගත්හ.
