ක්‍රිස් වෝක්ස් සහ ජොස් බට්ලර්ගේ සටන්කාමී සබඳතාව හේතුවෙන් එංගලන්තය සහ පාකිස්තානය අතර තරග 3කින් සමන්විත ටෙස්ට් ක්‍රිකට් තරගාවලියේ පැවැති පළමු තරගයෙන් කඩුලු 3ක ජයග්‍රහණයක් ලබා ගැනීමට එංගලන්ත ක්‍රීඩකයෝ සමත් වූහ.

තරගයේ සිවු වැනි දිනයේ දී ජයග්‍රහණය සඳහා ලකුණු 277ක හඹා යන ඉනිමකට පිටියට පිවිසි එංගලන්ත ක්‍රීඩකයන්ට ලෙහෙසියෙන් ඉලක්කය කරා යෑමට පාකිස්තාන පන්දු යවන්නෝ ඉඩ දුන්නේ නැත. ඔවුන්ගේ ඉදිරිපෙළ කඩුලු 5 ලකුණු 117කට සීමා කිරීමට පාකිස්තානය සමත් à·€ සිටියේ ය. එහෙත් 6 වැනි කඩුල්ලට එක් වූ ජොස් බට්ලර් සහ ක්‍රිස් වෝක්ස් සංචාරක ක්‍රීඩකයන්ගේ බලාපොරොත්තු සිඳ දැමුවේ ලකුණු 139ක සබඳතාවක් ගොඩ නගමිනි.

එහි දි ජොස් බට්ලර් පන්දු 101කට මුහුණ දෙමින් හතරේ පහර 7ක් සහ හයේ පහරක් සමගින් ලකුණු 75ක් ලබා ගත්තේ ය. තරගයේ තවත් දිනයක් ඉතිරිව තිබිය දි ජයග්‍රහණය කරද්දී ක්‍රිස් වෝක්ස් පන්දු 120කට මුහුණ දෙමින් හතරේ පහර 10ක් සමගින් නොදැවී ලකුණු 84ක් ලබා සිටියේ ය. පාකිස්තානය වෙනුවෙන් යසීර් ෂා ලකුණු 99කට කඩුලු 4ක් දවා ගත්තේ ය.

මැන්චෙස්ටර් ඔල්ඩ් ට්‍රැෆර්ඩ් හිදී පැවැති මෙම තරගයේ කාසියේ වාසිය දිනාගත් පාකිස්තානය පළමුවෙන් පන්දුවට පහර දෙමින් තම පළමු ඉනිමට සියලුම දෙනා දැවී ලකුණු 326ක් ලබා ගත්තේ ය. ඔහු පන්දු 319කට මුහුණ දෙමින් හතරේ පහර 18ක් සහ හයේ පහර 2ක් සමගින් ලකුණු 156ක් ලබා ගත්තේ ය. එය ඔහුගේ ටෙස්ට් තරග දිවියේ හොඳම ඉනිම ද වූවේ ය. ඔහු බාබර් අසාම් සමග එක්වෙමින් තෙවැනි කඩුල්ලට ලකුණු 96ක සබඳතාවක් එක් කිරීමට ද සමත් වුයේ ය. බාබර් අසාම් පන්දු 106කට මුහුණ දෙමින් හතරේ පහර 11ක් සමගින් ලකුණු 69ක් ලබා ගත්තේ ය.

ඊට පිළිතුරු ලෙසින් පිටියට පිවිසි එංගලන්ත ක්‍රීඩකයන්ගේ පළමු ඉනිම ලකුණු 219කට සීමා කිරීමට පාකිස්තාන පන්දු යවන්නෝ සමත් වූහ. එහිදී යසීර් ෂා ලකුණු 66කට කඩුලු 4ක් දවා ගනිමින් ඉනිමේ හොඳම පන්දු යැවීම වාර්තා කළේ ය. පාකිස්තාන පන්දු යවන්නන් ඉදිරියේ à·„à·’à·ƒ ඔසවා පන්දුවට පහර දීමට සමත් වූයේ ඔලේ පොප් පමණි. ඔහු පන්දු 117කට මුහුණ දෙමින් හතරේ පහර 8ක් සමගින් ලකුණු 62ක් ලබා ගත්තේ ය.

ලකුණු 107ක් ඉදිරියෙන් සිටිමින් තම දෙවැනි ඉනිමට පිටියට පිවිසි පාකිස්තානය එවර රැස් කළේ ලකුණු 169ක් පමණි. එහිදී ස්ටුවර්ට් බ්‍රෝඩ් කඩුලු 3ක් දවා ගත් අතර ක්‍රිස් වෝක්ස් සහ බෙන් ස්ටොක්ස් ලකුණු 11කට කඩුලු 2 බැගින් දවා ගනිමින් පාකිස්තානය අමාරුවේ දැමූ à·„.

දෙරට අතර පැවැත්වෙන දෙවැනි ටෙස්ට් ක්‍රිකට් තරගය මේ මස 13 වැනිදා සදම්ටන් à·„à·’ දි ආරම්භ වීමට නියමිත ය.

පාකිස්තානය ; පළමු ඉනිම සියලුම දෙනා දැවී 326 (109.3) ශාන් මසූඩ් 156, බාබර් අසාම් 69, ෂදාබ් ඛාන් 45, ස්ටුවර්ට් බ්‍රෝඩ් 3/54, ක්‍රිස් වෝක්ස් 2/43, ජොෆ්රා ආර්චර් 3/59 සහ දෙවැනි ඉනිම සියලුම දෙනා දැවී 169 (46.4) අබීඩ් අලි 20, අසාද් ශාෆික් 29, රිස්වාන් 27, යසීර් ෂා 33, ස්ටුවර්ට් බ්‍රෝඩ් 3/37, à¶šà·Š‍රිස් වෝක්ස් 2/11, බෙන් ස්ටොක්ස් 2/11

එංගලන්තය ; පළමු ඉනිම සියලුම දෙනා දැවී 219 (70.3) ඔලේ පොප් 62, ජොස් බට්ලර් 38, ස්ටුවර්ට් බ්‍රෝඩ් නොදැවී 29, මොහොමඩ් අබ්බාස් 2/33, යසිර් ෂා 4/66, ෂදාබ් ඛාන් 2/13 සහ දෙවැනි ඉනිම දෙවැනි ඉනිම කඩුලු 7ක් දැවී 277 (82.1) ඩොමිනික් සිබ්ලි 36, ජෝ රූට් 42, ජොස් බට්ලර් 75, ක්‍රිස් වෝක්ස් නොදැවී 84, යසිර් ෂා 4/99

තරගයේ වීරයා ; ක්‍රිස් වෝක්ස් (එංගලන්තය)

@JP