ශ්‍රී ලංකා ක්‍රිකට් සංවිධානය කරන අන්තර් ක්‍රීඩා සමාජ පළමු පෙළ ක්‍රිකට් තරගාවලියේ පළමු සතියේ තරග අවසන් වෙද්දී à¶‘à·„à·’ කැපී පෙනෙන ක්‍රීඩකයා බවට පත් විමට මුවර්ස් ක්‍රීඩා සමාජයේ කවිශ්ක අංජුල සමත් විය. ඔහු බදුරලිය ක්‍රිකට් සමාජයට එරෙහිව ඉනිම දෙකේ දී කඩුලු 11ක් දවා ගත්තේ ය.

දකුණත් වේග පන්දු යවන 23 හැවිරිදි කවිශ්ක අංජුල මෙම තරගයේ දෙවැනි ඉනිමේ දි ලකුණු 35කට ලබා ගත් කඩුලු 6 ඔහුගේ පළමු පෙළ තරග දිවියේ හොඳම පන්දු යැවීම ලෙසින් වාර්තා වූයේ ය. ඔහු පළමු ඉනිමේ දී ලකුණු 39කට කඩුලු 5ක් දවා ගත් අතර තරගය නිමා වෙන විට ලකුණු 74කට කඩුලු 11ක් දවා ගත්තේ ය. එය ඔහුගේ පළමු පෙළ තරග දිවියේ හොඳම පන්දු යැවීම ද වූයේ ය. ඔහු මේ තරගය නිමා වෙන විට තම පළමු පෙළ කඩුලු අර්ධ ශතකය (51) ඉක්ම වීමට ද සමත් වුයේ ය.

මේ අතර තරගාවලියේ පළමු සතිය අවසන් වෙන විට ශතක 8ක් වාර්තා වීම කැපී පෙණුනි. ඒ සී. සී. සී. කණ්ඩායමේ කුසල් මෙන්ඩිස් (139) කෝල්ට්ස් ක්‍රිකට් සමාජයේ ඇන්ජලෝ මැතිව්ස් (නොදැවී 173) සහ සංතුශ් ගුණතිලක (100) හලාවත මේරියන්ස් ක්‍රිකට් සමාජයේ කමිඳු මෙන්ඩිස් (නොදැවී 150) බී. ආර්. සී. කණ්ඩායමේ ඩිල්ශාන් ද සොයිසා (නොදැවී 105) ලන්කන් ක්‍රිකට් සමාජයේ නායක චානක රුවන්සිරි (124) යුද හමුදා ක්‍රීඩා සමාජයේ තුලින ඩිල්ශාන් (116) සහ දිනේශ් චන්දිමාල් (129) ය.

තරගාවලියේ සුපරි අට වටයේ දී සී. සී. සී. කණ්ඩායම රාගම ක්‍රිකට් සමාජයට එරෙහිව ලකුණු 125ක ජයග්‍රහණයක් ලබා ගත් අතර පළඟ තරගාවලියේ දී මීගමු ක්‍රිකට් සමාජය ලන්කන් ක්‍රිකට් සමාජයට එරෙහිව කඩුලු 5ක ජයග්‍රහණයක් ලබා ගත්තේ ය.

Super 8 තරගාවලිය

CCC vs Ragama CC

සී. සි. සී. ; පළමු ඉනිම කඩුලු 7ක් දැවී 499

රාගම ක්‍රිකට් සමාජය ; පළමු ඉනිම සියලුම දෙනා දැවී 132 සහ දෙවැනි ඉනිම සියලුම දෙනා දැවී 242

සී. සී. සී. කණ්ඩායමට ලකුණු 125ක ජයග්‍රහණයක්

-------------------------------------------------------------

Colts CC vs Saracens SC

කොල්ට්ස් ක්‍රිකට් සමාජය ; පළමු ඉනිම කඩුලු 6ක් දැවී 408

සැරසන්ස් ක්‍රීඩා සමාජය ; පළමු ඉනිම සියලුම දෙනා දැවී 182 සහ දෙවැනි ඉනිම කඩුලු 3ක් දැවී 106

තරගය ජය පරාජයෙන් තොරයි

-------------------------------------------------------------

SL Army SC vs NCC

ශ්‍රී ලංකා යුද හමුදා ක්‍රීඩා සමාජය ; පළමු ඉනිම සියලුම දෙනා දැවී 269 සහ දෙවැනි ඉනිම කඩුලු 3ක් දැවී 255

එන්. සී. සී. ; පළමු ඉනිම කඩුලු 7ක් දැවී 417

තරගය ජය පරාජයෙන් තොරයි

-------------------------------------------------------------

Chilaw Marians vs BRC

හලාවත මේරියන්ස් ක්‍රිකට් සමාජය ; පළමු ඉනිම සියලුම දෙනා දැවී 195 සහ දෙවැනි ඉනිම කඩුලු 8ක් දැවි 385

බී. ආර්. සී. ; පළමු ඉනිම සියලුම දෙනා දැවී 87 සහ දෙවැනි ඉනිම කඩුලු 8ක් දැවී 231

තරගය ජය පරාජයෙන් තොරයි

-------------------------------------------------------------

Plate තරගාවලිය

Moors SC vs Baduraliya SC

මුවර්ස් ක්‍රීඩා සමාජය ; පළමු ඉනිම සියලුම දෙනා දැවී 340 සහ දෙවැනි ඉනිම කඩුලු 6ක් දැවී 305

බදුරලිය ක්‍රිකට් සමාජය ; පළමු ඉනිම සියලුම දෙනා දැවී 149 සහ දෙවැනි ඉනිම කඩුලු 9ක් දැවී 120

තරගය ජය පරාජයෙන් තොරයි.

-------------------------------------------------------------

Lankan CC vs Negombo CC

ලන්කන් ක්‍රිකට් සමාජය ; පළමු ඉනිම සියලුම දෙනා දැවී 270 සහ දෙවැනි ඉනිම සියලුම දෙනා දැවී 111

මීගමු ක්‍රිකට් සමාජය ; පළමු ඉනිම සියලුම දෙනා දැවී 238 සහ දෙවැනි ඉනිම කඩුලු 5ක් දැවී 147

මීගමු ක්‍රිකට් සමාජයට කඩුලු 5ක ජයක්

-------------------------------------------------------------

SSC vs Tamil Union C & AC

එස්. එස්. සි. ; පළමු ඉනිම සියලුම දෙනා දැවී 254 සහ දෙවැනි ඉනිම කඩුලු 5ක් දැවී 271

ටැමිල් යුනියන් ක්‍රිකට් සමාජය ; පළමු ඉනිම සියලුම දෙනා දැවී 349

තරගය ජය පරාජයෙන් තොරයි