ප්‍රීමා යොවුන් ක්‍රිකට් තරගාවලිය 21 වැනිදා සිට
-
2024-11-07 23:36 |
Views : 276
ප්‍රීමා සමාගමේ අනුග්‍රහයෙන් ශ්‍රී ලංකා ක්‍රිකට් ආයතනය විසින් සංවිධානය කරනු ලබන වයස 15 න් පහළ යොවුන් ක්‍රිකට් තරගාවලිය මේ මස 21 වැනිදා ආරම්භ කිරීමට නියමිතව ඇත.
මහනුවර, ගාල්ල, කොළඹ උතුර, කොළඹ දකුණ, දඹුල්ල යන කණ්ඩායම් 5 ක සහභාගීත්වයෙන් තරගාවලිය දින 7 ක් පුරා පැවැත්වේ.
ඒ අනුව කොළඹ විශ්ව විද්‍යාලීය ක්‍රීඩාංගණය, වෙළඳ සේවා ක්‍රීඩාගංණය, තර්ස්ටන් විද්‍යාලීය ක්‍රීඩාංගණය සහ කොළඹ රාජකීය විද්‍යාලීය ක්‍රීඩාංගණය යන ක්‍රීඩාංගණවලදී තරග 13 ක් පැවැත්වීමට නියමිතය.
මූලික වටයේ තරග 21 වැනිදා සිට 27 වැනිදා දක්වා පැවැත්වෙන අතර අවසන් පූර්ව තරග 28 වැනිදා පැවැත්වේ. පළමු අවසන් පූර්ව තරගය කොළඹ විශ්ව විද්‍යාලීය ක්‍රීඩාංගණයේදී සහ දෙවැනි අවසන් පූර්ව තරගය කොළඹ රාජකීය විද්‍යාලීය ක්‍රීඩාංගණයේදී පැවැත්වේ.
අවසන් මහ තරග මේ මස 30 වැනිදා කොළඹ විශ්ව විද්‍යාලීය ක්‍රීඩාංගණයේදී පැවැත්වේ.
Share on Facebook Share on WhatsApp Share on Viber
